Presidenti i Serbisë, Aleksandër Vuçiç ka lënë ambientet e spitalit, ku u shtrua të premten (15 nëntor) për shkak të “problemeve kardiovaskulare”.
Media serbe RTS raporton se gjendja e tij është normalizuar.
“Mjekët i kanë shpëtuar jetën të premten. Kur është pranuar, është vlerësuar se jeta e tij është në rrezik”, ka thënë ministri serb i Shëndetësisë, Zllatibor Llonçar.
Ndonëse mjekët i kanë rekomanduar që Vuçiç të zvogëlojë aktivitetet e tij në mënyrë që të shërohet plotësisht.
Aleksandar Vuçiq, 49-vjeç ka thënë se do të kthehet në punë ditën e hënë.
Vuçiç është president i Serbisë që nga viti 2017 dhe është përballur me akuzat për frenimin e lirisë së mediave dhe të demokracisë.