Kryetari i Partisë Demokratike, Sali Berisha ka reaguar për situatën e zjarreve në vend. Në një postim në Facebook, ish-kryeministri ka publikuar dy video, një nga Shkodra, e cila është “pushtuar” nga tymi dhe një në fshati Fushë Grudë në Malësi të Madhe, ku nga flakët janë djegur edhe banesat.
“Zjarri djeg dhjetëra shtëpi në fshatin Fushë Grudë, Malësi e Madhe! Ndërhyrja tejet e vonuar! Turp”, shkruan Berisha.
Ndërsa në një postim tjetër, ai shkruan: “Shkodra e mbytur nga tymi i zjarreve që e kanë rrethuar. Qeveria asnjë ndihmë”.
Më herët edhe kryetari i Partisë së Lirisë, Ilir Meta reagoi për situatën, duke i bërë thirrje qeverisë që të braktisin vjedhjet, në mënyrë që qytetarët të mos largohen nga shtëpitë. Sipas ish-Presidentit, vendi ynë është i ekspozuar nga zjarret por asnjë masë nuk merret për parandalimin.
NDIQE LIVE "PANORAMA TV" © Panorama.al