SARANDE- Sherri ndërmjet shokësh për pak sa nuk shkaktoi tragjedi në qytetin e Sarandës.
Ngjarja e rëndë ndodhi mbrëmjen vonë të së enjtes në qytetin e Sarandës. Rreth orës 23:30, tre të rinj i kanë zënë pritë dhe janë konfliktuar me 32-vjeçarin Alban Baxheri, i cili ndodhej bashkë me të birin 4 vjeç, shkruan “Panorama”.
Ngjarja ka ndodhur mes një blloku pallatesh lagjes nr.1, ndërkohë që sipas burimeve e gjithë skena është filmuar edhe nga kamerat e sigurisë të një biznesi aty pranë.
Albion Spahiu, 24 vjeç, Flavio Tushe, 21 vjeç dhe Adriatik L, 18 vjeç kanë masakruar me grushte, shkop bejsbolli, thikë e madje dhe me gozhdë, 32-vjeçarin nga Saranda.
Ky i fundit ka reaguar dhe ka arritur të qëllojë mbi agresorët duke plagosur njërin prej tyre me mjet prerës, shkruan “Panorama”.
Baxheri është transportuar për në spitalin e Janinës pasi ndodhet në gjendje të rëndë.
Ndërkaq, policia ndërhyri duke arrestuar agresorët, dy prej të cilëve kamerierë.
/sh.d-panorama/
NDIQE LIVE "PANORAMA TV" © Panorama.al