Shengeni Ballkanik/ Rama, Vuçiç dhe Zaev takim online. Ftesë edhe për Kosovën

Oct 25, 2020 | 18:47
SHPËRNDAJE

Udhëheqësit e qeverive të Ballkanit Perëndimor do të bëjnë përpjekjen e radhës për të çuar përpara iniciativën e Shengenit Ballkanit.

rama zaev vucic

Takimi nuk do të jetë i ngjashëm si ato në Nish, Tiranë apo Ohër,  por  do të zhvillohet përmes platformës Zoom javën e ardhshme, raporton Tch.

Mbetet me interes për t’u parë pjesëmarrja e Kosovës,  paçka se takimi nuk do të jetë ballë për ballë por online.

Kujtojmë se një prej pikave të marrëveshjes së firmosur nga kryeministri Avdulla Hoti në Shtëpinë e Bardhë është edhe ulja në tryezën e bisedimeve të Shengenit Ballkanik.

Gjatë vizitës në Shkup, homologu Maqedonisë së Veriut Zoran Zaev, ia përsëriti ftesën kryeministri Hoti, kut tha se  Kosova duhet të  afrohet me iniciativën rajonale të Shengenit Ballkanik  me qëllim që të jetë prioritet për rajonin, pa dallim të çështjeve të hapura politike.

Zaev në konferencën për shtyp, e konfirmoi takimin  me presidentin Vuçic dhe kryeministrin Rama.

Ky takim përmes Zoom mbart edhe disa pikëpyetje të tjera për përfaqësimin e Malit e të Zi si dhe Bosnjës.

NDIQE LIVE "PANORAMA TV" © Panorama.al

Te lidhura