Të paktën 10 persona kanë humbur jetën dhe dhjetëra të tjerë janë plagosur pasi në ndërtesë e papërfunduar u shemb në Iranin jugperëndimor.
Ekipet e shpëtimit punuan gjatë natës për nxjerrjen e dhjetëra personave të bllokuar në rrënojat e ndërtesës 10-katëshe në Abadan, njoftoi media shtetërore.
Në pamjet e bëra publike shihet ndërtesa e shkatërruar, ndërsa trarët e çelikut kanë rënë mbi disa makina. Ndërsa ende nuk dihet shkaku i shembej së godinës.
Ata që mbetën të bllokuar në ndërtesë për orë të tëra u shpëtuan dhe u dërguan në spital. Ndërsa pronari i Metropol dhe kontraktori i godinës janë arrestuar.
Mediat lokale raportojnë se ndërtesa ndodhet në rrugën tregtare më të frekuentuar të Abadan dhe katet e para të saj ishin hapur për disa ditë, ndërsa punimet sipër vazhdonin.
“Mendova se ishte tërmet”, tha Ahmad, një pronar dyqani, për Associated Press.
Gjysmëhëna e Kuqe tha se 23 ekipe shpëtimi nga Abadan dhe qytetet fqinje nxituan në vendngjarje. Agjencia e lajmeve Mehr tha se shumica e personave të bllokuar po bënin pazar në katin e parë të një prej pjesëve të përfunduara të ndërtesës.
NDIQE LIVE "PANORAMA TV" © Panorama.alعملیات جست‌وجوی و نجات حادثه‌دیدگان ریزش ساختمان ۱۰ طبقه واقع در ته لنجی #آبادان با ١٢ تيم امداد و‌نجات از شهرستان‌های آبادان، خرمشهر، دشت آزادگان، ماهشهر، شادگان، واکنش سریع استان و آنست ادامه دارد. ۵۰ نیروی امدادی از شهرهای همجوار برای اعزام به محل حادثه آماده‌باش هستند. pic.twitter.com/KBOZFsBVCM
— جمعیت هلال‌احمر ایران (@Iranian_RCS) May 23, 2022
