SHBA, thirrje Turqisë, ja çfarë kërkon Trump pas zhdukjes së gazetarit saudit

Oct 18, 2018 | 8:36
SHPËRNDAJE

Shtetet e Bashkuara ia kërkuan Turqisë një audio-incizim, për të cilin kjo e fundit tha se ofron dëshmi të fuqishme se gazetari saudit, Jamal Khashoggi, është vrarë në konsullatën saudite në Stamboll.

trump

“E kemi kërkuar, nëse ekziston”, tha presidenti amerikan, Donald Trump, për gazetarët në Shtëpinë e Bardhë.

Khashoggi nuk është parë qe kur ka hyrë në konsullatë më 2 tetor. Arabia Saudite mohon ta ketë vrarë.

Gazeta Washington Post publikoi artikullin e fundit që Khashoggi, kritik i udhëheqjes saudite, ka shkruar përpara se të zhdukej.

Në këtë shkrim, ai flet për rëndësinë e shtypit të lirë në Lindjen e Mesme.

Redaktorja opinioneve globale në Washington Post, Karen Attiah, tha se publikimi i shkrimit është shtyrë me shpresën se Khashoggi do të kthehet i gjallë.

“Tani duhet ta pranoj: kjo nuk do të ndodhë. Ky është artikulli i fundit i tij i shkruar për gazetën The Post”, tha ajo.

Arabia Saudite është një nga aleatët më të afërt të Uashingtonit dhe zhdukja e Khashoggit duket se e ka vënë administratën Trump në një pozitë të vështirë.

Presidenti Trump tha se e vërteta për Khashoggin “do të dalë deri në fund të javës”.  REL

NDIQE LIVE "PANORAMA TV" © Panorama.al

Te lidhura