Këngëtarja kolumbiane Shakira, është kthyer sërish në qendër të vëmendjes pas publikimit të këngës së saj më të re “El Jefe”, më 20 shtator, e cila deri më tani ka arritur më shumë se 40 milionë shikime.
Kënga “El Jefe”, e cilësuar si një “himn” kundër shfrytëzimit në punë dhe ksenofobisë, mesa duket nuk ka pasur prapaskenat më të bukura për pjesëmarrësit në videoklip, pasi thuhet se këngëtarja ka pasur një sjellje jo të mirë me ta.
Sipas asaj që është bërë e ditur në mediat e huaja, një nga balerinët e artistes, tek ka folur në kanalin YouTube “La Saga”, është shprehur se këngëtarja i ka borxh një shumë të konsiderueshme parash dhe se nuk i ka falnderuar kurrë për punën e tyre.
“Kam bërë 12 takime dhe ajo nuk më ka paguar. Kam punuar me të pa dëshirë, mënyra se si na trajtonte ne valltarët… Kam punuar me njerëz shumë të suksesshëm, artistë të njohur dhe ata të ishin mirënjohës. Ajo nuk na tha kurrë ‘faleminderit’ për asgjë. Na qortoi shumë dhe na hoqi nga skena, sepse nuk donte që ne të dilnim me të në ekranet e mëdha ”, tha Jenny García, e cila ishte pjesë e korpusit të vallëzimit të këngëtares.
Modelja ka treguar më tej se ka dëgjuar ndërsa Shakira i ka kërkuar sigurimit gjatë kohës së pushimit, që ti largonte valltarët nga aty ku qëndronin.
“Çfarë po bëjnë valltarët këtu? Hiqni ato nga unë, jo, jo, jo…”. Një përvojë që e bëri atë të humbasë “respektin për të”, ka treguar ajo.
Për më tepër, ajo tregoi se këngëtarja i kishte nxjerrë nga dhoma e zhveshjes pothuajse lakuriq, sepse kishte nevojë të shkonte në tualet.
“Shoqja ime ishte me tanga dhe unë mbuloja gjoksin me duar. Na hodhën në korridor. Kaluan njerëzit e sigurimit, kaluan njerëzit e shtypit, kaluan të gjithë dhe unë u ktheva kur i pashë, shumë në siklet. I kërkova sigurimit që të na lejonin të visheshim dhe na thanë: ‘Jo, zonja është e mërzitur’”, tregon ajo.
Po ashtu, eksperienca me këngëtaren sipas gazetarit Javier Ceriani, nuk ka qenë e mirë edhe me persona të tjerë që kanë punuar për të.
Gazetari ka rrëfyer në Espejo Público edhe për trajtimin që këngëtarja u ka bërë punonjësve të tjerë, si një punonjëse e shtëpisë së saj apo shoferit të saj.
“Ata ankohen se për Shakirën puna nuk kishte fund. U deshën shtatëmbëdhjetë orë gatimi për shumë njerëz… Një të diel kishin gatuar për shtatëmbëdhjetë veta dhe Shakira donte që një pulë të ngrohej në orën 2 të mëngjesit, ndërsa punonjësja i ka thënë se nuk mundej. Ajo i nxori automatikisht nga shtëpia në orën 6:30 të mëngjesit dhe i la në rrugë”, ka treguar gazetari Ceriani.
“Punonjësit jetonin në atë shtëpi, nuk kishin sigurim shëndetësor, nuk kishin status juridik. Ata duhej të ishin si skllevër. Ose të ktheheshin në Kolumbi ose punë në mëshirë të saj, që gatuante në çdo kohë”, shtoi ai.
Gazetari ka treguar se Shakira madje gjatë xhirimeve të këngës ka kërkuar që vajzat që do ishin prezente në klip, nuk duhet te ishin më të bukura se ajo.
“Ishte një ish-koordinator i talenteve në klipin e Shakirës, i cili tha se nuk mund ta shikonte në sy në momente të caktuara, dhe se ajo nuk donte vajza të tjera që ishin të bukura apo të ngjashme me të në video”, tha gazetari.
Pjesë e këngës ishte dhe dadoja e fëmijëve të tij Lili Melgar, e cila supozohet se u pushua nga puna padrejtësisht nga Piqué.
Sipas asaj që është bërë e ditur në rrjetet sociale, Lili Melgar ishte pushuar nga Pique, pasi ajo i tregoi Shakirës për tradhtinë e ish-futbollistit me Clara Chía-n, dhe për këtë arsye ai nuk i kishte paguar asaj dëmshpërblimin që i korrespondonte për punën e saj.
Mediat e huaja madje shkruajnë së një pjesë e këngës së saj i është dedikuar sërish ndarjes së saj nga futbollisti Gerard Piqué, dhe ish-vjehrrit të saj, biznesmenit Joan Piqué.
