Komedia romantike “Emily in Paris”, me aktoren protagoniste Lily Collins, do të rikthehet në “Netflix “me sezonin e dytë në fund të këtij viti.
Sipas “Daily Mail”, ishin anëtarët e kastit ata që zbuluan se seriali do të publikohet më 22 dhjetor.
“Netflix” njoftoi për premierën përmes një ‘traileri’, nga i cili zbuluan pak më shumë për atë që do të ndodhë në këtë sezon të ri.
Në fillim të kësaj jave, komedia, e cila është nominuar për Globin e Artë, publikoi një set fotografish nga sezoni i dytë. Ndërsa detajet specifike të serialit janë ende të pa zbuluara.
Sipas krijuesit të serialit Darren Star, sezoni i dytë i shfaqjes do të gërmojë më thellë në personazhin e Collins dhe përvojat e saj. Ai gjithashtu tha se sezoni i dytë është shumë më i fortë se paraardhësi i tij.
