UPDATE/ Skuadra e Interit ka fituar 1-2 ndaj Caprit duke u ngjitur në krye të Serisë A, ndërsa Fiorentina është mundur në fushën e Atalantës me rezultatin 0-2.
Një humbje të thellë ka pësuar skuadra e Lacio e Etrit Berishes në fushën kundërshtare ndaj Chievos me rezultatin 0-4, ndërsa Napoli i Elsaid Hysajt ka arritur të marrë një barazim 2-2 me Veronën në fushën e tij.
Juventus humb për herë të dytë, e gjunjëzon Roma (VIDEO)
Juventus e nis keq edhe javën e dytë të Serisë A duke humbur ndaj Romës me rezultatin 2-1. Fillimisht ishte skuadra e kryeqytetit italian e cila kaloi në avantazh në minutën e ’61 të pjesës së dytë. Por Roma nuk e mbylli me kaq, në minutën e ’79 ishte Edin Dzeko që dyfishoi rezultatin.
Rreth 10 minuta më pas Juventus do të gjente golin e nderit me anë të Paulo Dybala, por pa mundur që të barazonte rezultatin.
Ndërkaq, të shtunën Milani ka arritur më në fund fitoren e parë për këtë sezon. Skuadra kuqezi ka mposhtur 2-1 Empolin në “San Siro”.
Kanë qenë dy blerjet e reja që kanë shënuar golat e fitores për Milanin. Golin e parë e shënoi Karlos Baka, më pas barazoi Saponara në minutën e 20-të, katër minuta pas golit të Bakës.
Goli i fitores erdhi nga Luis Adriano, i cili asistoi edhe në golin e parë. Kjo është fitorja e parë për Milanin në dy javë të Serisë A.
RENDITJE DHE REZULTATE
NDIQE LIVE "PANORAMA TV" © Panorama.al
