UPDATE/ Futbollisti anglez Adam Johnson është arrestuar me dyshimin se ka kryer marrëdhënie seksuale me një vajzë 15-vjeçare, raporton BBC.
Policia në Durham tha se 27-vjeçari u arrestua me dyshimin për aktivitet seksual me një vajzë nën 16 vjeç dhe mbeti në arrest policor.
Ekipi i Sunderland AFC tha se ishte në pritje të rezultatit të hetimeve të policisë, për të vendosur më pas mbi fatin e lojtarit në rradhët e tij.
Lajmet e arrestimit të një futbollisti të “Premier League” ishin publikuar më herët në gazetën “The Sun”.
Futbollisti ka luajtur 12 herë për kombëtaren angleze.
Johnson u arrestua në mëngjes, në rezidencën që ndan me të dashurën Stacey Flounders. Çifti ka sëbashku një vajzë vetëm 7-javëshe, Ayla Sofia-n.
Arrestimi i Johnson ka shokuar jo vetëm banorët e Sunderland-it, por edhe autoritetet e zonës.
NDIQE LIVE "PANORAMA TV" © Panorama.al