Të ballafaqohesh me të shkuarën, për disa është e vështirë e për disa të tjerë është thjesht histori, duke e marrë me sportivitet.
Nuk e dimë nëse mund të kompleksohen apo të surprizohen për mirë vajzat e njohura të showbiz-it, teksa po ribotojmë disa foto të tyre, të realizuara nga fotografët tanë rreth 10 vite më parë.
Natyrisht, shumë prej tyre kanë pasur një jetë shumë ndryshe nga çfarë kanë tani. Teksa shohim fotot, një gjë kanë të përbashkët këto vajza, disa prej të cilave janë bërë edhe mama, ato vijojnë të jenë të bukura dhe sharmante edhe sot.
Kjo edhe për shkak se që të gjitha kanë filluar karrierën e tyre shumë herët, prandaj janë akoma të reja edhe sot.
Fillojmë me Xhensila Myrtezajn, asokohe e fejuar me Bes Kallakun, ku ky i fundit ishte e famshëm më së shumti për rolin e Gjinit në “Portokalli”, ndërkohë që Xhensila ishte akoma një këngëtare e re, me pak këngë të lançuara.
Duhet thënë se sidomos pasi ka sjellë vajzën e saj në jetë, Xhensila është marrë seriozisht me linjat e saj dhe sot ajo ka trup më të bukur sesa gati 10 vjet me parë.
Çiljeta Xilaga, në kohën e fotove nuk e kishte lindur akoma Fernandon dhe pjesa që i binte më shumë në sy ishte gjoksi, të cilin më vonë ajo e zvogloi.
Pa dyshim një seksbomb e vërtetë dhe e tillë vijon të mbetet edhe sot.
Ingrid Gjoni, asokohe ndër më të kërkuarat në koncerte, një vajzë seksi me një zë të ëmbël, që nuk ishte takuar akoma me Paridin, dashurinë e vogël të jetës së saj.
Samanta Karavella gati nuk njihet në këtë foto. Një vajzë e vogël me një buzëqeshje fëminore, me linja të imëta dhe në muzikë akoma nuk kishte bërë famën që ka sot.
Pa dyshim ajo sot është bërë jo vetëm një këngëtare shumë e mirë, por edhe një vajzë shumë e bukur, tashmë me forma më sensuale dhe me portret më seksi.
Rozana Radi, artistja shumëdimensionale e cila ka ditur gjithmonë çfarë ka dashur dhe e ka marrë atë. Në atë kohë, Rozana njihej më së shumti si këngëtare dhe ishte shumë aktive në skenë.
Tani moderon emison çdo natë në ekran dhe ky duket prioriteti i saj. Për linjat, mund të themi se asokohe ishte super mirë, por gjoksin e bëri operacion më pas duke e rritur disa numra më shumë.
Edhe atëherë dukej shumë bukur, por edhe tani Rozana vijon të jetë në super formë.
Betrix Ramozaj është një nga vajzat që ka ndryshuar më shumë.
Në kohën e fotove, nuk i kishte mbushur akoma 18 vjeç dhe ishte një vajzë fare e re, njihej shumë pak si këngëtare dhe më shumë njihej si mbesa e Albërie Hadërgjonajt. Sot ajo është bërë një bombë seksi.
Orinda Huta është fenomeni i stabilitetit në protret dhe linja. Për të koha kalon dhe asgjë nuk ndryshin.
Po ai portret, po ato linja të bukura, edhe tani që është bërë mami, lum si Orinda!
/Panoramaplus.al
NDIQE LIVE "PANORAMA TV" © Panorama.al
