Presidenti i Ukrainës, Volodymyr Zelensky, po i drejtohet Forumit Ekonomik Botëror përmes një lidhjeje nga Kievi, duke insistuar se vendi i tij do arrijë të mbizotërojë në luftë.
Ai tha se edhe pse vendi i tij nuk e filloi luftën, por sipas tij do të jenë ata që do ta përfundojnë.
“Ne do ta përfundojmë atë”, u shpreh Zelensky.
Ukraina po qëndron “fuqishëm” dhe “vendosur”, tha Zelensky, duke kërkuar sërish që bota të vazhdojë të furnizojë ushtrinë e tij me ndihma ushtarake.
Ai tha se furnizimet e sistemeve të mbrojtjes ajrore duhet të tejkalojnë sulmet ruse.
Ukraina është pajisur me një numër sistemesh të mbrojtjes ajrore Patriot, ku më i fundit është konfirmuar nga Holanda të martën në mbrëmje.
I pyetur për vendin e Rusisë në botë, Zelenskyy tha se ajo tashmë ndodhet në mesin e terroristëve.
“Unë mendoj se Rusia tashmë ka fituar një vend në mesin e terroristëve dhe kjo nuk varet më nga lidershipi i tyre,” tha ai.
Zelenskyy përsëri këmbënguli se Moska duhet “të respektojë integritetin territorial të Ukrainës”.
I pyetur nëse ai shqetësohet për sigurinë e tij, Zelenskyy thjesht tha se nuk është.
“Nuk jam i shqetësuar për këtë”, tha ai.
NDIQE LIVE "PANORAMA TV" © Panorama.al
