Rritja e numrit të të infektuarve, zyrtari i SHBA: Prodhimi i vaksinës është në proces. Në fund të korrikut pritet…

Jul 14, 2020 | 16:48
SHPËRNDAJE

Ndërsa numri i infektimeve të reja me koronavirus në botë ka arritur në 13 milionë, duke përfshirë më shumë se 570 mijë vdekje, Shtetet e Bashkuara thonë se presin që nga fundi i verës të fillojnë prodhimin e dozave të vaksinave të mundshme.

vaksina

Sipas kanalit amerikan të lajmeve financiare CNBC, një zyrtar i lartë i administratës Trump u tha gazetarëve se prodhimi është në proces, edhe pse ata nuk janë të sigurt se cila lloj vaksine do të funksionojë.

Njoftimi vjen edhe pse gjithnjë e më shumë qeveri po imponojnë udhëzime për karantinën dhe distancimin social për të frenuar sëmundjen.

Zyrtari citohet të thotë se ata janë duke blerë pajisje, po sigurojnë objektet e prodhimit dhe materialet e papërpunuara që nevojiten për vaksinën.

Televizioni CNBC thotë se dy kompani të përfshira në zhvillimin e një vaksine të re të mundshme, Moderna dhe Johnson & Johnson, pritet që nga fundi i këtij muaji të fillojnë provat e avancuara në njerëz./ VOA

NDIQE LIVE "PANORAMA TV" © Panorama.al

Te lidhura