Deputeti i Partisë Socialiste Erion Braçe foli nga foltorja e parlamentit në lidhje me rritjen e çmimeve në vend. Deputeti e vuri theksin jo vetëm te rritja e shkaktuar si pasojë e situatës post-pandemike dhe lufta, por dhe te mungesa e konkurrencës dhe abuzimet në treg.
Braçe theksoi se ka maxhoranca socialiste ka dështuar gjatë këtyre 9 viteve që të heqë barrierat e vendosura nga Partia Demokratike dhe të bëjë hapjen e tregjeve, duke i lënë shumë sektorë të ekonomisë në duart e dy ose tre kompanive.
“Këto janë çmimet e pandemisë së zgjatur, janë edhe çmimet e luftës të pushtimit të Vladimir Putinit në Ukrainë. Të dyja kanë ndikim të fort mbi ofertën dhe kërkesën. Padiskutim që këto janë edhe çmimet e strukturës tonë të prodhimit, por edhe e klientelizmit dhe barrierave të vendosura në tregje. Konkurenca është një e mirë nga e cila duhet të përfitojnë qytetarët.
Në përfundim dua t’ju them dy gjëra. E para, tregjet kryesore te ne janë këneta, nuk ndryshon asgjë në to. Tregu i naftës në kohën tuaj kishte 5 operatorë, ka sot 4 operatorë. Njëri iku ishte ai që ishte i lidhur me ARMON, endet nëpër botë e kërkojnë të gjithë për të arrestuar, se kapin dot iku. Tregjet e tjera janë në të tilla kategori, 4 ishin, 4 janë, 3 ishin, 3 janën, madje janë me të njëjtat emra.
Ne nuk ia dolëm dot të hiqnim barrierat e vendosura gjatë qeverisjes demokratike, e të krijonim mundësi për hyrje të reja në tregje dhe konkurrencë efektive. E dyta duhet ndarë mendja ose me tregtarët ose me fshatarët”, tha Braçe.
NDIQE LIVE "PANORAMA TV" © Panorama.al
