Rriten pagat dhe pensionet, qeveria miraton vendimin. Ja sa persona përfitojnë dhe kur hyn në fuqi

Sep 14, 2022 | 12:38
SHPËRNDAJE

Qeveria shqiptare ka miratuar vendimin për rritjen e pagave dhe pensioneve. Pensionet rriten me 9.5%, ndërsa paga minimale do të bëhet 34 mijë lekë nga 32 mije qe ishte.

Ministrja e Financave dhe Ekonomisë Delina Ibrahimaj bëri me dije se do të përfitojnë 678 mijë pensionistë, ndërsa ne total tha ajo jane rreth 900 mijë qytetarë shqiptare që përfitojnë nga rritja e pensioneve dhe pagave.

“Me këtë indeksim të dytë ne e cojmë rritjen e pensioneve në nivelin 9.5% në krahasim me pensionet që merreshin në fund të vitit të kaluar. Përfitojnë 678 mijë pensionistë. Ky vendim hyn në efekt që me pensionin e muajit shtator.

Morëm një vendim sa si përket rritjes së pagës minimale në shkallë vendi. Në prill, e rritën nga 30 mijë në 32 mijë. Me vendimin e sotëm paga do të jetë 34 mijë lekë dhe ky është një vendim që prek 200 mijë të punësuar. Në total kemi rreth 900 mijë qytetarë shqiptare që përfitojnë nga rritja e pensioneve dhe pagave”, u shpreh ministrja.

© Panorama.al

Te lidhura