Një 50 vjeçar shqiptar përfundoi në prangat e policisë italiane, pasi akuzohet për shitje të lëndëve narkotike. Burri, i cili jetonte ilegalisht në Itali, banonte me familjen e tij në qendër të Luinos.
Burri u monitorua për ca kohë pasi dyshohej se administronte lulëzimin e biznesit të drogës në zonë dhe dyshimet janë materializuar gradualisht në vijim të hetimeve në shtëpinë e tij.
Gjatë kontrollit të banesës, të kryer në bashkëpunim me një qen, agjentët sekuestruan rreth 400 gr kokainë, duke përfshirë mbi 30 doza me një gram secila, e përgatitur tashmë për shitje të klientëve. Për më tepër, e fshehur brenda një dollapi, u zbulua një mikro-serë me një llambë nxehtësie ku ndodheshin tre bimë kanabisi.
Burrit, iu kapën edhe 5 500 euro të konsideruara si të ardhura nga shitja e lëndëve narkotike si dhe një peshore dhe materiale për paketimin e dosave.
Ai ishte i shoqëruar me Gjykatën e Rrethit Varese në dispozicion të Prokurorisë Publike lokale, e cila jo vetëm që morri vlefshmërinë e arrestimit, por gjithashtu ka vendosur gjykimin e ardhshëm kundër tij.
NDIQE LIVE "PANORAMA TV" © Panorama.al