Një helikopter ushtarak në provincën Farah në perëndim të Afganistanit, është rrëzuar si pasojë e një problemi teknik, ku kanë humbur jetën 5 ushtarë.
Në një deklaratë nga Ministria afgane e Mbrojtjes thuhet se helikopteri ushtarak është përplasur në tokë pak kohë pasi është nisur nga qarku Bala Buluk në Farah.
Më tej bëhet e ditur se helikopteri i rrëzuar ka eksploduar dhe se 5 ushtarë që ndodheshin në të kanë humbur jetën, raporton Anadolu Agency (AA).
Ekipet përkatëse janë dërguar në rajon për hetimin e rastit.
Në një deklaratë nga talebanët pretendohet se helikopteri është qëlluar nga militantët.
NDIQE LIVE "PANORAMA TV" © Panorama.al
