Rrezikon deri në 8 vjet burg, Shakira iu përgjigjet akuzave për mashtrim: Autoritetet spanjolle e bëjnë këtë sepse…

Sep 22, 2022 | 22:23
SHPËRNDAJE

Shakira ka folur për herë të parë për akuzat e qeverisë spanjolle për mashtrim tatimor.

shakira

Rasti u raportua për herë të parë në dhjetor të vitit 2018, kur prokurorët spanjollë e akuzuan atë për mospagim të taksave për të ardhurat e saj nga 2012 deri në 2014. Këngëtarja mohoi çdo keqbërje gjatë dëshmisë së saj në qershor 2019.

Më pas u raportua në maj se asaj i ishte refuzuar një apel në këtë rast, duke mbështetur një vendim në të cilin një gjyqtar tha se kishte “prova të mjaftueshme kriminaliteti” që çështja të shkonte në gjyq.

Ndërsa ajo pretendon se nuk ka jetuar në Spanjë gjatë asaj kohe, dokumenti i prokurorit pretendon se Shakira ishte rezidente në Spanjë midis 2012 dhe 2014, dhe në maj të 2012, ajo bleu një shtëpi në Barcelonë e cila u bë një shtëpi familjare për atë, partnerin dhe djalin e tyre të lindur në Spanjë në 2013.

Nga ana tjetër, këngëtarja sapo hodhi poshtë një marrëveshje nga prokuroria për mbylljen e çështjes.

Kur e pyetën pse po i lufton akuzat, Shakira i tha Elle : “Sepse duhet të luftoj për atë që besoj; sepse këto janë akuza të rreme. Para së gjithash, në atë kohë nuk kaloja fare 183 ditë në vit. Isha e zënë duke përmbushur angazhimet e mia profesionale në mbarë botën. Së dyti, unë kam paguar gjithçka që ata pretenduan se i kisha borxh, edhe para se të bënin një padi. Ndaj prej sot u kam zero borxh. Dhe së fundi, u këshillova nga një nga katër firmat më të mëdha të specializuara të taksave në botë, PriceëaterhouseCoopers, kështu që isha e sigurt se po i bëja gjërat në mënyrë korrekte dhe transparente që nga dita e parë.”

Shakira shtoi, “Megjithatë, edhe pa prova për të mbështetur këto pretendime fiktive, siç bëjnë zakonisht, ata i janë drejtuar një fushate shtypi të çuditshme në përpjekje për të lëkundur njerëzit dhe për të ushtruar presion në media së bashku me kërcënimin e dëmtimit të reputacionit me qëllim për të detyruar marrëveshjet e zgjidhjes. Dihet mirë se autoritetet tatimore spanjolle e bëjnë këtë shpesh jo vetëm me personazhe të famshëm si unë (ose [Cristiano] Ronaldo , Neymar , [Xabi] Alonso , e shumë të tjerë), por i ndodh padrejtësisht edhe taksapaguesit të rregullt. Është thjesht stili i tyre. Por jam e bindur se kam prova të mjaftueshme për të mbështetur çështjen time dhe se drejtësia do të mbizotërojë në favorin tim.”

© Panorama.al

Te lidhura