Presidenti i Republikës, Ilir Meta sërish ngriti shqetësimi për votimin elektronik në njësinë 10 në Tiranë, ku sipas tij ka informacione se do të ketë ndërhyrje.
Gjatë konferencës së jashtëzakonshme me gazetarët, Kreu i Shtetit u shpreh se qeveria po përdor shumë marifete për të manipuluar zgjedhjet në 25 prill, duke perënduar emigrantët apo edhe personat e infektuar me Covid.
“Unë i referohem një informacioni konkret teknik për njësinë 10 që mora, dhe informacione të tjera se këtu vijnë video, regjistrime, përgjime i dërgojnë qytetarët dhe do të shikoni shumë prej tyre.
Unë i referohem një denoncim konkret nga një qytetar për rrezikun e ndërhyrjes tek njësia 10 ku do bëhet votimi elektronik. Me metoda të cilat unë nuk jam i kualifikuar, për ti vlerësuar por sipas ekspertëve të ID janë të mundshme. Celibashi ka dhënë siguri se kjo nuk ndodh. Por kam informacion se ka përpjekje për këtë çështje. Edhe përpjekja për të penguar emigrantët është përpjekje për të përdorur emrat e tyre apo edhe përpjekja për të mos lejuar ata që vuajnë nga pandemia për të mos votuar është një përpjekje tjetër për të bërë marifete, që besoj edhe këtë përpjekje opozita e ka të qartë”, tha Presidenti.
THIRRJA PER KOMISIONERET
“I bëj thirrje komisionerëve, se ata përfaqësuesit e opozitës jo vetëm kanë për detyrë të mbrojnë çdo votë të opozitës, kanë për detyrë që të mbrojnë votat siç do ti japë populli edhe për kandidatët e PS. Pas përfundimit të mandateve për partitë, ekziston mundësia që opozita nga euforia e fitores të nënvlerësojnë procesin tjetër. Brenda PS kam informacione se kandidatët kanë luftë të madhe për të marrë votat e njëri-tjetrit. Sepse vendosja e emrave në listë ka qenë për qëllime të tjera dhe në këtë kuadër përgatiten për të kapur njerëz të opozitës me qëllim që këta të tolerojnë tek numërimi i votave të kandidatëve të PS. Ky do të ishte një gabim i rëndë. Cdo votë duhet të dalë sic është”.
NDIQE LIVE "PANORAMA TV" © Panorama.al
