Rreth 27 vjet pas vrasjes së heroit kombëtar, Isa Boletinit, dy shqiptarë nga Kosova organizuan një “mision” hakmarrjeje për të vrarë vrasësin e heroit kombëtar.
Por vetëm njëri prej tyre qëlloi mbi Nikolla Gjillasin, i cili njihet si atentatori i Isa Boletinit në Podgoricë. Ai ishte Demir Ngucati, nga Marina e Skënderajt.
Për vrasjen e Isa Boletinit ishte kërkuar hakmarrje ndërmjet shqiptarëve të Kosovës, dhe Demir Ngucati, së bashku me Mehmet Gradicën, ranë dakord që ta merrnin “gjakun” e Isa Boletinit.
Ngucati shkoi në banesën e Nikolla Gjillas, i cili banonte në Skënderaj, që në atë kohë quhej Serbica. Gjillasi njihej si person që organizonte grupe çetnike. Kështu, Ngucati ishte ai që mori hakun e Isa Boletinit. Këte e dëshmon për “Zërin”, Jetullah Ngucati, nip i Demirit.
NDIQE LIVE "PANORAMA TV" © Panorama.al
