Një ditë pasi u shkarkua nga puna, policia e Durrësit ka ndaluar mësuesin Flamur Pajo 51 vjeç, i cili dhunoi në klasë nxënësin 14-vjeçar me iniciale A.H.
Ngjarja ka ndodhur në shkollën 9-vjeçare ‘Hasan Koçi’, tre ditë më parë.
Mëuesi u ndalua pas një video të shpërndarë në rrjetet sociale, ku tregohej se si qëllonte nxënësin gjatë orës së mësimit.
Por vetë nxënësi duke folur për mediat dje tha ase e kishte provokuar mësuesin duke e quajtur “shurdh”.
Sipas policisë së Durrësit, 51-vjeçari akuzohet për kryerjen e veprimeve arbitrare.
Njoftimi i policisë:
Ndalimi i tij u bë pasi:
Më datë 26.01.2016, gjatë zhvillimit të orës së mësimit, në shkollën 9-Vjeçare “Hasan Koçi”, ka goditur me pëllëmbë dhe grushta nxënësin e klasës së 7-të, shtetasin:
- A.H. 14 vjeç, banues në Durrës.
Bazë për fillimin e proçedimit penal shërbeu një video e shpërndarë më rrjetet sociale.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale ”Kryerja e veprimeve arbitrare” parashikuar në nenin 250 të Kodit Penal.
NDIQE LIVE "PANORAMA TV" © Panorama.al