Policia e Vlorës ka arrestuar ditën e sotme një shtetas 59-vjeçar me inicialet G. B., për veprën penale “Dhunë në familje”.
Dyshohet se 59-vjeçari ka kanosur me thikë nipin e tij duke ushtruar dhunë fizike dhe psikologjike.
Gjithashtu në prangat e policisë ka rënë dhe një 38-vjeçar, i cili dyshohet se i ka vjedhur çantën një tjerër shtetasi në lagjen “Pavarësia” të qytetit.
Materialet në ngarkim të tyre i kaluan prokurorisë së Vlorës për veprime të mëtejshme.
Njoftimi i plotë i policisë
Kanosi me mjet të mprehtë dhe ushtroi dhunë fizike dhe psikologjike ndaj nipit të tij vihet në pranga 59-vjeçari.
Specialistët për Hetimin e Krimit në Komisariatin e Policisë Vlorë, arrestuan në flagrancë për veprën penale “Dhuna në familje” shtetasin G. B., 59 vjeç, banues në Vlorë.
Arrestimi i tij u bë pasi në datë 24.09.2021, ka kanosur me mjet të mprehtë thikë si dhe ka ushtruar dhunë fizike dhe psikologjike ndaj nipit të tij.
Po nga specialistët për Hetimin e Krimit në Komisariatin e Policisë Vlorë u ndalua shtetasi S. M., 38 vjeç, pasi dyshohet se në lagjen “Pavarsia 3”, ka vjedhur cantën e shtetasit M. P, në të cilën ndodheshin një shumë parash si dhe një aparat celular.
Materialet hetimore i kaluan Prokurorisë pranë Gjykatës së Shkallës Parë Vlorë, për veprime të mëtejshme.
NDIQE LIVE "PANORAMA TV" © Panorama.al