Shpesh herë jeta dhe mënyra e të menduarit të njerëzve të famshëm, kthehet në motiv për adhuruesit e tyre.
Ndonëse duken se kanë jetë perfektë, edhe vetë njerëzit e njohur vuajnë nga shëndeti mental.
Data 10 tetor, njihet ndërkombëtarisht si dita ndërkombëtare e shëndetit mental. Në të gjithë botën organizohen aktivitete të ndryshme për këtë ditë.
Këtë datë e ka kujtuar edhe këngëtarja shqiptare me famë botërore, Rita Ora. Në një foto të publikuar në ‘Instastory’, ajo shkruan: “Urime dita ndërkombëtare e shëndetit mental”.
“Shëndeti juaj mental është më i rëndësishëm se sa testi, intervista, takimi i drekës, takimet, darka familjare dhe vrapi pas ushqimeve. Bëni kujdes për veten tuaj”, shkruhej në një mesazh që Ora ndau me fansat e saj.
Këngëtarja ka rrëfyer në disa intervista të ndryshme se ka pasur momente gjatë karrierës së saj që nuk është ndjerë mirë por pranë i janë gjendur njerëzit e afërt, sidomos mamaja e saj, e cila është psikiatre me profesion.
NDIQE LIVE "PANORAMA TV" © Panorama.al