Panorama Plus/ Rita Ora ka shtuar më shumë thashethemet se është martuar në fshehtësi me partnerin e saj Taika Waititi.
Këngëtarja ndau disa foto në rrjetet sociale nga arratisja e saj e fundit në Paris.
Ajo u shfaq me një sërë veshjesh në fotot që publikoi, megjithatë ishin bizhuteritë e saj që tërhoqën vëmendjen. Këngëtarja u pa me një unazë ari në dorën e saj, të ngjashme me atë që Taika kishte vënë vetëm pak ditë më parë.
Postimi vjen pasi Rita dhe Taika nxitën spekulimet se janë martuar pasi regjisori i Thor u pa me unazë në gisht së fundmi. Në një foto në Instagram të ndarë nga motra e Ritës, Elena, Taika shihej me unazë në gishtin e majtë teksa po shijonte një pije nën rrezet e diellit.
Ndërkohë, Rita ka postuar të njëjtën foto në Instagramin e saj, por këngëtarja ia ka mbuluar dorën Taikës me mbishkrimin e saj.
Që në muajin qeshor është raportuar se çifti do të martoheshin me njëri-tjetrin.
Këngëtarja britanike dhe regjisori nga Zelanda e Re thuhej se po planifikonin një ceremoni të afërt jashtë vendit përpara se të festonin me kolegët e tyre në një festë të madhe në Londër më vonë këtë vit.
Kuptohet se Rita, e cila është duke punuar në disa filma dhe The Voice Australia, dhe Taika, i cili po planifikon një varg filmash, shpresojnë të lidhin martesën pasi të kenë përfunduar angazhimet e tyre të punës, u raportua dy muaj më parë.
NDIQE LIVE "PANORAMA TV" © Panorama.al
