Dy festat e nëntorit kaluan në ditë tmerri për shqiptarët për shkak të tërmetit të fuqishëm që goditi Shqipërinë, por edhe për pas-tërmetet që vijojnë ende.
Shumë personazhe të njohur të ekranit janë mobilizuar me të gjitha mënyrat për të ndihmuar në një farë mënyre ata që u prekën më së shumti nga kjo tragjedi duke humbur të dashurit e tyre dhe shtëpitë.
Mes tyre ka qenë këngëtarja shqiptare me famë botërore, Rita Ora. Ajo ka vendosur të sponsorizojë për rindërtimin e disa shtëpive që u shkatërruan.
Këngëtarja ka shpërndarë në rrjetet sociale një foto nga Tirana ku uron ditën e flamurit dhe gjithashtu iu bën thirrje të gjithëve atyre që kanë mundësi, që të ndihmojnë këto familje që u dëmtuan.
“Familja e parë që kam zgjedhur është familja Sala, dhe të njëjtën gjë si për to, do e bëjmë për çdo familje që ka nevojë për ndihmë”, ka shkruar mes të tjerash Rita në një postim të bërë në ‘Instagram’.
NDIQE LIVE "PANORAMA TV" © Panorama.al