Kryeministri i Kosoves Ramush Haradinaj ndodhet sot ne qytetin e Vlorës dhe ka zhvilluar nje vizite ne bashkine e qytetit ku eshte pritur nga kryebashkiaku Dritan Leli.
Teksa ka komentuar edhe çështjen e rishikimit të kufijve, pas deklaratave të Presidentit Hashim Thaci qe kane shkaktuar “stuhi” reagimesh, Haradinaj tha:
“Kufijtë janë të vendosura me luftë. I qëndroj deklaratës sime, kufijtë nuk duhet të preken”.
Pyetje: A jeni pro deklaratave të Thaçit?
Haradinaj: Ajo që jam pro është që në 1 Janar të heqim doganën mes Kosovës dhe Shqipërisë.
Pyetje: Çfarë hapash keni më tej?
Haradinaj: Do heqim doganën, me qëllim po e devijoj pyetjen tuaj, ajo është një retorikë politike. Beogradi bën retorikë, Prishtina bën një kundërpërgjigje, ju e dini që kufijtë nuk lëvizen me fjalë.
Pyetje: A e konsideroni referendumin një opsion?
Haradinaj: Kufijtë janë vendosur.
Komenti ne FB i Haradinajt:
I nderuar me pritjen që më bëri Vlora!
Si Kosovë jemi zotuar që lidhjet dhe dashuria e ndërsjellë e shqiptarëve të forcohet çdo herë e më shumë.
Kryetarin e Bashkësisë së Vlorës, z Dritan Leli e përgëzova për punën që ka bërë në zhvillimin e kësaj ane dhe avancimin e shërbimeve të turizmit.
Kosovarët dhe diaspora nuk kanë adresë më të mirë se bregdeti shqiptarë.
Dhe të gjithë ne, nuk kemi shtyllë më të fortë se identiteti jonë!