ETLEVA DELIA/ Asnjë gjurmë nga i ashtuquajti “Eskobari i Ballkanit” deri ne oret e mengjesit te sotem.
Disa ditë më parë, gjatë një takimi në Ministrinë e Brendshme me drejtues të Policisë së Shtetit, Kryeministri Edi Rama u kujtoi atyre faktin që Klement Balili nuk ishte arrestuar ende.
Prej tri ditësh, Policia nisi “gjurmimin” e Balilit, me kontrolle fillimisht në Shkodër, ku ishte informacioni i parë, ndërsa mbrëmjen e djeshme në Sarandë.
Burime nga Policia thanë se forcat speciale RENEA dhe ato FNSH kanë nisur një operacion në fshatin Stjar në Sarandë, ku dyshohet se fshihet i shumëkërkuari Klement Balili.
Kishte të dhëna se Balili mund të jetë i strehuar në atë zonë, ndërsa ka pasur disa sinjalizime që mund të çojnë në lokalizimin e vendndodhjes se tij.
Por deri në orët e vona, operacioni nuk ka pasur një rezultat konkret në lidhje me arrestimin e personit që konsiderohet si më të kërkuarit në vend.
PANORAMA
NDIQE LIVE "PANORAMA TV" © Panorama.al