Nuk kishte ndodhur prej vitesh, që biletat për shfaqje te- atri të shiteshin që dy javë para. Drama “Tri motrat”, që po shfaqet në Teatrin Kombëtar, i ka thyer të gjitha rekordet. Nëse ndokush ka planifikuar të kalojë mbrëmjen në teatër, as të mos e mendojë se mund të shkojë në bi- letari e të blejë bileta për shfaqjen sot për sot, por as për të nesër- men e të pasnesërmen.
Madje, në këtë rast, nuk të bën punë as ndonjë “mik” pranë teatrit. Biletat janë shitur për të gjithë jav- ën që vjen dhe tashmë mund të rezervohen për shfaqjet e datave 3, 4, 5, 6 dhe 7 shkurt, ora 19:00. Drama “Tri motrat” e Çehovit, me regji të Hervin Çulit, e vulosi suksesin e vet qysh në pre- mierë dhe vazhdon ta ruajë atë shfaqje pas shfaqjeje. Një vepër që zgjat rreth 3 orë e gjysmë, por që të mban lidhur falë punës se- rioze të të gjithë stafit realizues, që nga regjisori, skenografi, ko- stumografia, tek aktorët e gjithë njerëzit e paskuintave.
“Tri motrat” rikthyen dëshirën për të shkuar në teatër, si asnjë shfaqje më parë. Të gjithë ata që e kanë parë shfaqjen, e që e kanë pëlqy- er atë) kanë ftuar edhe të tjerët, duke u bërë vullnetarisht pjesë e fushatës “Eja në teatër!”. Kanë vënë ndonjë status në faqet e tyre nëpër rrjetet sociale, apo ua kanë rekomanduar të tjerëve. Që nga salla e teatrit, regjisori Saimir Kumbaro, që njihet për shpirtin e kritikës, i fton të gjithë miqtë e tij në “Facebook” që të mos e lënë pa e parë “Tri motrat”. Të njëjta ndjesi vijnë nga kolegë artistë e gazetarë, si Mirela Ok- trova, Klajd Ymeri, Bruna Boro- va, Monika Lubonja etj..
POLITIKA “SHKATËRRUESE”
Edhe pse i përfolur këto ditë për shkak të një përplasjeje me gazetarin e “ABC-News”, Eni Shehu, drejtori i TK, Hervin Çuli, nuk ka se si të mos i gëzo- het punës së vet dhe gjithë akuzave u përgjigjet pikërisht me arritjet e teatrit.
“Deri tani, në sezonin artistik 2015-2016, Teatri Kombëtar me dy pre- mierat e tij ‘Tartufi’ dhe ‘Tri Motrat’ i ka shitur një qind për qind biletat. Çudi, se unë mirë që s’punoj fare, sepse jam një i degjeneruar, por ndërkohë (siç flasin dhe vetë faktet) e kam shkatërruar dhe rrënuar plotë- sisht institucionin me politikat e reja që kam aplikuar. Nejse, Molieri dhe Çehovi na nderu- an. Së shpejti është radha e Shekspirit me ‘Zbutja e Kry- eneçes’ nga Elma Dorezi, që të vazhdojë stafetën e shkatërrim- it të Teatrit”, shkruan Çuli në faqen e vet në “Facebook”.
Përshtypjet e shfaqjes
Oktrova: Shkoni në teatër dhe befasohuni Mbrëmje e këndshme në shoqërinë e “Tri motrave” çehoviane! Po jo vetëm…! Teatri Kombëtar këtë herë na priti ndryshe, dukej sikur gjithçka, nga mjediset më në fund të përfunduara të sheshit para tij deri te kurimi i vëmendshëm i hollit, nga ngrohja/kondicionimi deri te pijet e ofruara në pushim dhe shkrirja e skenës me platenë…, në respekt të Çehovit sa dhe të spektatorit, ishte bërë pjesë e një tentative të re drejt një magjie të vjetër, të rikthyer, por ende të rrezikuar… Dhe magjia ndodh…. ndodhia mban… Mban biletat të shitura dhe publikun 4 akte mbërthyer… për 4 orë rresht…, në ndjekje të një prej autorëve më të vështirë të dramaturgjisë botërore, Anton Çehovit dhe “rrugës” së vështirë, në fakt të pamundur, të personazheve të tij drejt lumturisë… Kompliment për kurajën e përsëritur të regjisorit Çuli drejt botës çehoviane…! Kompliment për ansamblin e aktorëve, që ia doli të mbajë spektatorin dhe të komunikojë mendimin e të dy kohëve të krijimit… Kompliment veçanërisht për më të vjetrit dhe më të rinjtë e tij, nga Malkaj te Çobani! Kompliment për Irinën e “kristaltë” dhe engjëllore, një kulm për aktoren Elia Zaharia. Shkoni në teatër dhe befasohuni këndshëm! Ne e përjetuam këtë sonte! Sot, urime të përzemërta! Nesër suksese dhe më tej!
Klajd Ymeri: Bravo sakrificës e përkushtimit Dje, vërtet laheshim një herë në javë, vetëm të shtunave, por SHPIRTIN e kishim të pastër. Sot, vërtet lahemi përditë, por shpirtin e kemi katrano- sur dhe nxirë, sigurisht jo të gjithë… ka dhe nga ATA me dy fytyra, po nejse… nuk kam ç’të them tjetër veç: Mallkuar qofshin shpirtzinjtë, të ul- ëtit, dallaveraxhinjtë, manipulatorët, provokatorët. RROFSHIN: zemërbutët dhe të mirët, të drejtët, të drejtpërdrejtët. Rrofshin të gjithë burrat me RR, ka plot dhe njoh edhe në teatër. Rrofshin të gjitha motrat… E meqenëse ra dhe fjala “TRI MOTRAT” e Teatrit Kombëtar, një shfaqje në dinjitetin e të gjithë historisë që mbart ai teatër… Berina Kokona një bravo për kost- umet, super. Një bravo për skenografin Kristo Çala. Bravo, e gjithë trupa e aktorëve dhe sigurisht, sakrificës dhe përkushtimit të Hervin Çulit.
Elma Doresi: E keni ngritur nivelin shumë lart Hervin Çuli, e mbani mend çfarë ju thashë pasi pashë provën tuaj? Po jua kujtoj: Më kapi frika tani.. E keni ngritur nivelin shumë lart, dhe kjo është përgjegjësi e madhe për mua të parën, që jam pas jush, e më pas për regjisorët e tjerë… Faktet janë aty për cilindo që do të shikojë e të dëgjojë. Nëse shfaqjet dhe arritjet pak më lart quhen “shkatërrim”, atëherë ju premtoj publikisht që do të mundohem me mish e me shpirt që të arrij dhe unë këtë “shkatërrim”!
NDIQE LIVE "PANORAMA TV" © Panorama.al