Në Prokurorinë Pranë Gjykatës së Shkallës së Parë për Krime të Rënda, Tiranë përcaktohet grupi i prokurorëve që do të përfaqësojnë në gjykim çështjen në ngarkim të të pandehurve Emiljano Shullazi, Gilmando Dani, Endrit Qyqja, Endrit Zela dhe Blerim Shullazi.
Emrat e prokurorëve do të bëhen publikë në seancën gjyqësore të radhës.
Nga informacione paraprake mësohet se Donika Prela do të jetë drejtuese e grupit të Prokurorëve, ndërsa Gentian Osmani një nga prokurorët. Ende nuk janë konfimuar emrat e tjerë.
Kujtojmë se një ditë më parë, Kryeprokurorja Arta Marku urdhëroi një hetim disiplinor për të gjithë prokurorët që refuzuan shortin për çështjen “Shullazi” dhe grupin e tij, ndërsa menjëherë më pas ajo caktoi edhe shpërndarjen e përkohshme të disa prokurorëve nga Krimet e Rëndë, në rrethe, përkatësisht Olsian Çela, nga Prokuroria për Krime të Rënda në Prokurorinë e Beratit, ndërsa Sonila Muhametaj në Pukë, sakaq Besim Hajdarmataj në Prokurorinë e Pogradecit.
