Duke filluar nga dita e enjte, Parlamenti do të nisë punën për reformën zgjedhore në bazë të rekomandimeve të OSBE/ODIHR.
Në mbledhjen që pritet të zhvillohet të enjten, do të prezantohet paketa e parë që adreson këto rekomandime për fushatën zgjedhore, kuotat gjinore, financimin e fushatës, regjistrimin e subjekteve dhe abuzimin e administratës.
Po në këtë mbledhje, do të bëhet konstituimi dhe raportimi i grupeve të punës. Këto grupe pune janë ndarë në tre grupe, por në asnjërin prej tyre nuk figuron emri i Rudina Hajdarit, kryetarja e grupit të deputetëve të djathtë në Parlament.
Zonja Hajdari ishte bashkëkryetare e komisionit të posaçëm të reformës zgjedhore së bashku me Damian Gjiknurin.
Ky i fundit rezulton pjesë e grupit për sistemin zgjedhor. Kryeministri Edi Rama ka paralajmëruar se pjesa e rekomandimeve të OSBE/ODIHR do të përmbyllen brenda muajit dhjetor.
Komisioni i Posaçëm Parlamentar për Reformën Zgjedhore
Grupet e punës si vijon:
Sistemi zgjedhor:
Damian Gjiknuri & Bashkim Fino
Myslim Murrizi & Nimet Musaj
Financimi I partive politike:
Blerina Gjylameti & Klotilda Ferhati
Arben Elezi & Ralf Gjoni
Emigrantët:
Alket Hyseni & Adnor Shameti
Korab Lita & Adriatik Alimadhi
NDIQE LIVE "PANORAMA TV" © Panorama.al