Shefi i kuzhinës së “Mullixhiut”, Bledar Kola, ka gjetur një mënyrë krejt origjinale për të mbështetur ndeshjen e djeshme të Kombëtares shqiptare kundër Zvicrës. Ai ka përgatitur një pjatë me përbërës krejtësisht vendas, si groshët, manat dhe djathin tonë mishavin.
Përbërësit për përgatitjen e brumit të petkave:
500 g miell
groshe
5 kokrra vezë
50 ml vaj ulliri
50 ml qumësht
Kripë
Përgatitja
Përgatitet brumi i makaronave njësoj siç bëhet zakonisht, duke përzier të gjithë përbërësit dhe duke i punuar derisa të përftohet një masë brumi homogjene, jo shumë e fortë. Vendoset dy orë në frigorifer për të pushuar. Nga ana tjetër, grijmë imët qepën dhe e skuqim në tigan në temperaturë të ulët. Pasi të jetë zbutur, i shtojmë kërpudhat chantareli ose porçini.
I kaurdisim në temperaturë të ulët dhe në fund shtojmë manat me pak uthull balsamike. Nisim hapjen e petkave në trashësinë e duhur. Pasi i kemi lënë të thahen për pak kohë, i copëtojmë dhe i skuqim në tigan me shumë gjalpë. Në fund fare i shtojmë djathin mishavin.
NDIQE LIVE "PANORAMA TV" © Panorama.al
