Pas akuzave të PD-së se Artur Bushi, kandidati i PS-së në Krujë është i dënuar për trafik droge në Itali, ka mbërritur edhe reagimi i PS, e cila përgenjështon selinë blu duke thënë se Bushi rezulton i padënuar në shtetin fqinj.
“Lajm i mirë që për dekriminalizimin nuk po flet më Ristani apo Lulzim Basha, njëri i dënuar, tjetri që nga dënimi ka shpëtuar me procedura, por që sot duhet të përballet sërish me drejtësinë.
Gjejnë kurajo për të folur ata që kanë kandiduar për një nga bashkitë kryesore të Shqipërisë një individ të sapodënuar, me vendim gjykate.
Sa i përket rastit të deputetit Bushi, pavarësisht shpifjes së radhës nga Shqupi, institucionet italiane e kanë pajisur shtetasin shqiptar me certifikate pafajësie, e lëshuar nga Ministria e Drejtësisë italiane, që shkruan të zeze mbi të bardhë se Artur Bushi është i padënuar ne Itali”, tha deputeti Ulsi Manja.
PD-ja pasi akuzoi kreun e qeverisë për zgjedhje të ‘Mr. Kokainës’ për bashkinë e Krujës, ka faktuar sot akuzat e veta, duke publikuar foton e policisë italiane dhe lajmin në median fqinje.
NDIQE LIVE "PANORAMA TV" © Panorama.al