Eurokomisioneri Johannes Hahn ka dërguar një letër të hapur për qytetarët shqiptarë në lidhje me krizën politike në vendin tonë.
Por sot kryeministri Edi Rama, ne komunikimin e tij te perjavshem me ndjekesit ne FB, ka shpjeguar edhe se cila ishte esenca e asaj letre, teksa e ka cilesuar ate si “momenti kulmor i marrëdhënieve të BE me popullin tonë”.
“Letra e Hahn s’është apel për të votuar për një parti të caktuar, por për të shkuar në zgjedhje dhe për të votuar për Shqipërinë evropiane që s’mund ta kthejë më mbrpaa askush. Po të mos ishte frika e madhe nga drejtësia, PD as do e conte në mend braktisjen e parlamentit, as bojkotin e zgjedhjeve dhe as aventurën skandaloze për destabilizimin e vendit, për të bllokuar zbatimin e vetingut dhe ajo cka gjithë konvulsion vetëshkatërrues i tregon BE-se ts rregjur me eksperiencat e cuditshme të vendeve ish komunistem, është e vëreta e thjeshtë se reforma në drejtësi në thellësinë e shtrirjes së saj në dokumentin themelor të shtetit, Kushtetuten ka prekur pikat më nevralgjike të sistemit politik ende pa filluar të zbatohet në realitetin e jetës së përditshme.
PD i ka të gjitha shanset të mos kthehet nga rruga e vetëshkatërrimit të saj por s’ka asnjë shans të vetëm as të bllokojë zgjedhejt as vetingun as rrugën evropiane të Shqipërisë pas 18 qershorit. Kjo është në esencë përmbajtja e letrës së komisionerit Hahn. Parlamenti i ri pa PD do zhbllokojë vetingun në votimin e parë të legjislaturës së ardhshme”, tha Rama.
Letra e plotë Johannes Hahn:
Të dashur qytetarë të Shqipërisë! Të dashur miq! Ju drejtohem sot me shqetësim të madh. Javët e fundit kemi bërë disa përpjekje për të promovuar dialogun mes partive politike në Shqipëri, përpjekje të përfaqësuesve të BE-së, unë i përfshirë dhe të partnerëve të tjerë ndërkombëtarë.
Kemi dëgjuar me vëmendje të gjitha shqetësimet e palëve dhe njëkohësisht jemi përpjekur të lehtësojmë dialogun për daljen nga kriza. Për këtë u ofruan disa propozime, me shpresën se udhëheqësit e partive do të binin dakort për gjetjen e një zgjidhjeje të përbashkët.
Fatkeqësisht nuk patëm marrëveshje. Ndaj sot jemi në një situatë kur përgatitjet për zgjedhjet e 18 qershorit vazhdojnë dhe zgjedhjet do të mbahen pa pjesëmarrjen e partive kryesore të opozitës.
Bojkoti ishte një zgjedhje e opozitës. Unë e respektoj këtë zgjedhje, por njëkohësisht ndjej keqardhje për këtë vendim të saj. Shqiptarët kërkojnë dhe meritojnë zgjedhje me pjesëmarrjen e të gjitha partive politike dhe me standarde. Megjithatë, procesi demokratik duhet të vazhdojë, edhe nëse dikush vendos që të qëndrojë pas.
Demokracia dhe standardet e saj nuk mund të pengohen nga bojkotimi i institucioneve dhe i zgjedhjeve. Këto të fundit do të vlerësohen në bazë të meritës dhe sipas standardeve ndërkombëtare.
Institucioni më kompetent europian për vëzhgimin e zgjedhjeve, ODIHR, së fundmi nisi misionin vëzhgues në Shqipëri. Ne jo vetëm e mbështesim fuqimisht këtë, por presim nga gjitha institucionet shqiptare që të garantojnë një bashkëpunim të plotë dhe transparent me këtë mision, si gjatë fushatës, ashtu edhe në ditën zgjedhjeve. Është në interesin e Shqipërisë dhe autoriteteve shqiptare që OSBE/ODIHR dhe vëzhguesve të tjerë ndërkombëtare t’u krijohen të gjitha kushtet për kryerjen e misionit të tyre vëzhgues.
Prandaj, më lejoni që të tregohem i qartë; dënojmë fuqimisht çdo thirrje për “aksione” që do të minojnë të drejtën e qytetarëve për të votuar dhe të drejta të tjera themelore. Këto “aksione” nuk mund të justifikohen dhe nuk janë në përputhje me standardet e Bashkimit Europian.
Është thelbësore për vlerat europiane, që të idetë dhe propozimet politike, pavarësisht nëse ju pëlqejnë apo jo, të diskutohen brenda institucioneve demokratike, sidomos në Parlamentin shqiptar. Kjo është theksuar në të gjitha takimet me udhëheqësit politik të të gjitha palëve në vendin tuaj.
Në këtë këndvështrim, me lejoni të them një gjë: fakti që zgjedhjet në Kavajë nuk u zhvilluan, nuk është fitore për askënd; është një humbje për demokracinë.
Kam besim të plotë se qytetarët shqiptarë do të kërkojnë prej udhëheqësve të tyre politike që të tregojnë përmbajtje dhe maturi në një vend që shpreson të jetë anëtar i Bashkimit Europian.
Të jemi të qartë, udhëheqësit do të jenë përgjegjës në përpiqen të minojnë aspiratat legjitime të popullit shqiptar për një të ardhme më të mirë.
Bashkimi Europian do të ndjekë dhe monitorojë nga afër procesin zgjedhor dhe më kryesorja, do të vazhdojmë t’ju mbështesim në rrugën tuaj drejt anëtarësimit në BE.
NDIQE LIVE "PANORAMA TV" © Panorama.al
