Lajmi i ditës mëngjesin e sotëm ishte dalja në terren e kryeministrit për të parë se si po ecën operacioni kundër informalitetit.
Ai së bashku me drejtorin e Komunikimit dhe drejtoreshën e Tatimeve, Briseida Shehaj ka zgjedhur lokalin “Capriçio” në zonën e ish bllokut për të pirë kafen e mëngjesit.
Dalja e kryeministrit u shoqërua edhe me filmimet e zakonshme të televizioneve dhe disa fotografive të shkrepura nga fotografja e tij.
Por këshilltarëve të kryeministrit u ka shpëtuar fakti se lokali ku Rama do të shkonte në mëngjes, fiks një muaj më parë (në 4 gusht) është pezulluar dhe gjobitur nga Ministria e Shëndetësisë pasi tregtonte akull të ndotur.
Megjithatë zgjedhja e Capriçio-s duket se është bërë për një arsye.
Këtë vend e njeh mirë drejtoresha e Tatimeve, Shehaj, e cila ka kaluar adoleshencën dhe rininë në këtë ambient.
