Kryeministri Edi Rama ka zhvilluar në Beirut një takim me gjeneralin Abass, duke e falënderuar për ndihmën e kthimit në atdhe të fëmijeve që ndodheshin në kampin Al Hol në Siri.
“Me Gjeneralin Abass përpara kthimit në atdhe bashkë me fëmijët, për ta falenderuar për ndihmën e tij të paçmueshme, si edhe për të konfirmuar sy më sy vijimin e operacionit për kthimin e fëmijëve të tjerë”, shkruan Rama në Facebook.
Një ditë më parë kryeministri takoi tre fëmijë, të cilët u shpëtuan nga kampi dhe sot pritet të kthehen në Shqipëri.
Floresha Rasha bashkë me tre fëmijët e saj, Amar, Emel dhe Hatixhe Rasha do të kthehen në vendlindjen e tyre pas disa vitesh në kampin sirian me çadra.
NDIQE LIVE "PANORAMA TV" © Panorama.al
