Gazetari gjerman Peter Tiede reagon me ironi pas nismës së kryeministrit shqiptar, Edi Rama që të ndërmjetësojë zgjidhjen e krizës politike në Bjellorusi.
Shqipëria drejton aktualisht kryesinë e radhës së OSBE-së, organizatë e cila përbëhet nga 57 vende anëtare.
Gazetari Tiede publikoi përgjigjet për blerjen e votave në zonën e Shijakut dhe në Dibër, të njohura si dosjet 339 dhe 189.
“Nuk është shaka: Edi Rama tentoi dje të nisë negociatat me Lukashenkon. Në emër të OSBE-së. Nuk mund ta besoj!”, shkruan ai me ironi.
Kryeministri Rama i cili mban ligjërisht edhe postin e ministrit të Jashtëm të Shqipërisë kërkoi pak ditë më parë të ndërmjetësojë zgjidhjen e krizës politike në Bjellorusi bashkë me homologen suedeze, vendi i të cilët merr drejtimin e OSBE-së vitin e ardhshëm.
Nisma u mbështet nga Bashkimit Evropian, SHBA por edhe Moska, por nuk u pranua nga presidenti bjellorus, Aleksandër Lukashenko.
Prej ditësh në Bjellorusi po zhvillohen protesta për shkak të manipulimit të zgjedhjeve të 9 gushtit, shoqëruar me arrestime të shumta dhe dhunë nga ana e forcave të rendit ndaj mbështetësve të opozitës.
NDIQE LIVE "PANORAMA TV" © Panorama.al