Irani do të ndëshkojë të gjithë personat që janë përgjegjës për rrëzimin e avionit të Ukrainës, ku humbën jetë 176 pasagjerë tha Presidenti iranian Hassan Rohani në një fjalim televiziv, duke përmendur se “aksidenti tragjik” do të hetohet në thellësi.
“Ishte një gabim i pafalshëm, vetëm një person nuk mund të jetë përgjegjës për rrëzimin e avionit. Fakti që Forcat e Armatosura të Iranit pranuan gabimin e tyre ishte një hap i parë i mirë. Ne duhet t’i sigurojmë njerëzit se nuk do të ndodhë më”,tha ai, duke shtuar se qeveria e tij” është përgjegjëse para Iranit dhe kombeve të tjera që vdiqën në rrëzimin e avionit “.
Arrestimet
Autoritetet iraniane kanë arrestuar disa persona të dyshuar se ishin të përfshirë në përplasjen e aeroplanit ukrainas, për të cilin Teherani pranoi se e kishte qëlluar me raketë “gabimisht”, tha një zëdhënës i gjyqësorit në një deklaratë.
Të Shtunën, ushtria iraniane pranoi se aksidentalisht goditi aeroplanin ukrainas, duke vrarë 176 pasagjë që ai mbante në bord.
Që nga mbrëmja e së njëjtës ditë, protestuesit kanë dalë në rrugë duke denoncuar qëndrimin e qeverisë se fillimisht kishte mohuar çdo përgjegjësi për rrëzimin e Boeing.
NDIQE LIVE "PANORAMA TV" © Panorama.al
