Radha kilometrike në Kakavijë/ Cakaj telefonon ministrin grek, ja çfarë kanë biseduar

| 18:07
SHPËRNDAJE
 

Radhët e gjata kilometrike në kufirin me Greqinë, Kakavijë kanë bërë që ministri i jashtëm në Detyrë i Shqipërisë, Gent Cakaj, të telefonojë homologun e tij grek, Ioannis Varvitsiotis.

pjimage (27)

News 24 raporton se Cakaj ka biseduar me Varvitsiotis për lehtësimin e mëtejshëm të kalimit në kufi, ndërsa ka shtuar se situata po vijon të ndiqet nga autoritetet në mënyrë që të lehtësohet ngarkesa.

“Duke respektuar të gjitha masat dhe forcimin e grupeve që punojnë në kufi, ne jemi duke ndjekur vazhdimisht situatën për të lehtësuar ngarkesën në kufi”, shprehet ai.

Si pasojë e shtimit të rasteve me koronavirus në Shqipëri dhe Greqi, autoritetet greke kanë vendosur që të zhvillojnë testime masive për udhëtarët që kalojnë kufirin.

MEPJ deklaroi më herët se është në bisedime për të zgjatur orarin e punës në pikat kufitare, në mënyrë që qytetarët të mund të kalojnë edhe në orë e vona të natës. Nga ana tjetër, Ministria e Shëndetësisë dhe Ministria e Mbrojtjes kanë vendosur në dispozicion të qytetarëve të bllokuar në radhë disa ekipe mjekësore dhe autoambulanca, si dhe shërbime higjienosanitare.

Te lidhura



Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.