“Ra heroikisht përkrah mikut të tij, Mujo Ulqinakut”, Meta nderon Dëshmorin e Atdheut, Hamit Dollani: Kjo histori s’duhet harruar kurrë!

| 10:43
SHPËRNDAJE

Presidenti i vendit, Ilir Meta ka nderuar sot, pas vdekjes, Dëshmorin e Atdheut Hamit Dollani, me “Dekoratën e Artë të Shqiponjës”. meta

Dollani, është një nga dëshmorët e parë të rezistencës Antifashiste, i cili ra heroikisht përkrah mikut të tij Mujo Ulqinaku, në Durrës më 7 prill 1939, kundër pushtuesve italianë. meta1

Ne motivacionin e dekorates shenohet “Për veprimtarinë e tij patriotike dhe trimërinë e treguar gjatë luftës kundër pushtuesve fashistë, si luftëtar i orëve të para, duke sakrifikuar edhe jetën për lirinë e vendit”.

“Hamit Dollani nuk arriti të mbante premtimin ndaj fëmijëve të tij se do kthehej në shtëpi, por heroizmi dhe sakrifica e tij do shkruante historinë krenare të qëndresës dhe përballjes së popullit shqiptar kundër pushtuesve fashist, duke shërbyer si një shembull frymëzimi më pas për Luftën Anti-Fashiste Nacional Çlirimtare që do të fillonte”-theksoi Meta.meta2Pjese nga fjala e Metes 

“Jam i privilegjuar të nderoj sot me Dekoratën e Artë të Shqiponjës një figurë emblematike dhe të shquar të rezistencës Antifashiste, Dëshmorin e Atdheut, Hamit Dollani. Hamit Dollani është një nga dëshmorët e parë të rezistencës Antifashiste, i cili ra heroikisht përkrah mikut të tij Mujo Ulqinaku, në Durrës më 7 prill 1939, kundër pushtuesve italianë.

Së bashku me mikun e tij të ngushtë, Mujo Ulqinakun, organizuan rezistencën, duke qëndruar heroikisht për orë të tëra në dy katet e Kullës së Durrësit.

Rezistenca e forcave shqiptare ishte e pashembullt edhe pse përballë kishin një nga ushtritë më të mëdha të kohës.

Hamit Dollani nuk arriti të mbante premtimin ndaj fëmijëve të tij se do kthehej në shtëpi, por heroizmi dhe sakrifica e tij do shkruante historinë krenare të qëndresës dhe përballjes së popullit shqiptar kundër pushtuesve fashist, duke shërbyer si një shembull frymëzimi më pas për Luftën Anti-Fashiste Nacional Çlirimtare që do të fillonte.

Hamit Dollani njihet dhe si dëshmori i parë që ra në fushën e betejës kundër fashizmit dhe si një ndër dëshmorët e parë të Europës Juglindore në Luftën e Dytë Botërore.

Ai ishte një nga bijtë e thjeshtë të këtij vend, të cilin ndërgjegjja kombëtare dhe atdhedashuria e dërgoi në llogoren e parë të luftës.

Historia jonë është e mbushur me shembuj aktesh heroike si kjo e Hamit Dollanit. Ndaj është shumë e rëndësishme që sakrificat sublime të dëshmorëve tanë të njihen dhe të vlerësohen akoma më shumë nga brezat e rinj.

Kjo histori nuk duhet harruar kurrë! Është një histori guximi dhe trimërie, qëndrese dhe liridashëse, e cila na bën krenarë të gjithë shqiptarët dhe duhet t’i bëjë krenarë edhe brezat që do të vijnë.

Ndaj dëshiroj të falënderoj nga zemra Shoqatën Atdhetare Kulturore “Gramshi” për kontributin e saj në vlerësimin e figurës së Hamit Dollanit dhe për faktin që mban gjallë në memorien tonë kolektive historinë dhe sakrificat e dëshmorëve tanë.”

Te lidhura

Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

S'KA KOMENTE

Comments are closed.