Kryeministri Edi Rama i kërkoi ministrit gjerman për Evropën, Michael Roth që Bashkimi Evropian të mos i ndaj qytetarët e Ballkanit sa i përket atyre që kanë bërë lloje të ndryshme vaksinash.
Deklaratat e tij u bënë gjatë një konference për shtyp në Kryeministri pasi vizitës së zyrtarit të lartë gjerman në Tiranë.
“Pamundësia e qytetarëve të Ballkanit për të udhëtuar normalisht në Evropë për shkak të ndarjes së tyre në dy kategori, kategoria e atyre që kanë bërë vaksinë perëndimor dhe kategoria e atyre që kanë bërë vaksinë lindore. Uroj që të mos ndodhë këtu dhe kërkoj ta përçoni këtë mesazh. Nuk ka pse të ndahen njerëzit në kategori”- tha Rama.
