Qeveria ngriu rrugën Milot-Balldren, Agron Shehaj: Mashtrimi i paralajmëruar 6 muaj më parë nga opozita. Ja pse u zhbë kontrata korruptive

Dec 7, 2019 | 19:21
SHPËRNDAJE

“Nuk e anuloi qeveria, por denoncimet e opozitës”, kështu tha ish-deputeti demokrat, Agron Shehaj, pasi Qeveria ngriu rrugën Milot-Balldren.

Në Facebook, Shehaj shkruan se kontrata për rrugën Milot-Balldren ishte një mashtrim, të cilin PD e ka paralajmëruar që prej më shumë se 6 muajsh.

Agron Shehaj

Sipas ish-deputetit, janë denoncimet e PD dhe distancimi i bankave, nga ajo që ai e quan “skemat mashtruese te korrupsionit”, që anuluan projektin.

Postimi i plotë:

Mashtrimi i paralajmeruar i Milot-Balldrene

Qeveria pranoi nje dite me pare se kompania koncesionare e rruges Milot-Balldrene nuk i plotesoi kushtet e kontrates koncesionare, pasi arriti te siguroje parate per ta ndertuar rrugen.

Ky eshte nje mashtrim qe Partia Demokratike e ka paralajmeruar me shume se 6 muaj me pare, qe kur Ministria e Infrastruktures e dorezoi per miratim ne Kuvend kontraten se bashku me shtojcat financiare.

Qe ne ate kohe denoncuam se Milot-Balldren ishte nje kontratë mashtruese, ku kompania ANK merrte përsipër të paguante 52 milionë euro nga kapitali i saj, kur ne bilanc kishte gjithsej vetëm 4 milionë euro kapital.

Qe ne fillim thame se e gjithe skema financiare e kontrates ishte nje mashtrim i madh, i ngritur per te tentuar nje afere gjigande korrupsioni. Por sot farmiresisht kjo mega afere ka deshtuar. Sepse edhe bankat e pane qarte qe kontrata e koncesionit kishte pasaktesi dhe tregues te falsifikuar financiar.

Kjo eshte arsyeja se pse kontrata korruptive me vlere 360 milione euro u zhbe, per fatin e mire te te gjithe qytetareve shqiptare. Nuk e anulloi qeveria por denoncimet e opozites dhe distancimi i bankave nga skemat mashtruese te korrupsionit.

NDIQE LIVE "PANORAMA TV" © Panorama.al

Te lidhura