Sikurse pritej, votimi i projektligjit për magjistratët u shty. Mungesa e opozitës në seancën parlamentare të së enjtes, e bëri të pamundur votimin e ligjit që kërkon 84 vota. Braktisja e sallës së seancave plenare nga opozita, bëri që projektligji i miratuar në komision vetëm me votat e mazhorancës, të kalojë në seancën e radhës.
Duke folur për këtë çështje në emisionin “Kjo javë” me Nisida Tufën në “News24”, juristi Çlirim Gjata thotë se nëse miratohet ligji do të jetë antikushtetues.
“Kriteret për emërimin e gjyqtarëve caktohen me ligj, jo me dispozita kalimtare. Sot i bie hajde bëjmë një dispozitë kalimtare me certifikatë kur janë kartat e identitetit.
Ky ligj ka kaluar në Gjykatë, që ka vendosur të shfuqizojë 30 nene, ky është turp për ligjin. Shikoni cfarë cilësie ka Reforma në Drejtësi.
S’i do ja bëjnë nëse nuk i kanë 84 vota. Pse nuk u kërkua ky konsensus tek opozita kur ishte rasti i Prokurores së Përgjithshme. Kjo ka bërë gjithë ato shkelje.
Zgjidhja është kompromis i madh politik, me ndryshime Kushtetuese. Edhe Prokurorja e Përgjithshme të zgjidhet po ashtu me kompromis. Po nuk bëhet kështu, mund edhe t’i blesh vota, por nuk ngjit ligji kur nuk është i gjithëpranuar” tha Gjata.
NDIQE LIVE "PANORAMA TV" © Panorama.al
