Qeveria greke do të paraqesë masat e reja kundër përhapjes së koronavirusit. Cilat janë ato

Oct 22, 2020 | 17:36
SHPËRNDAJE

Me një mesazh të shkurtër dhe të shenjës truar–kryeministri Kyriakos Mitsotakis mbrëmjen e sotme do të shpallë masat e reja për koronavirusin që do të jenë në fuqi, duke u bërë thirrje qytetarëve të marrin parasysh peshën e përgjegjësive individuale dhe të ndjekin me besnikëri rekomandimet e ekspertëve.

5167536

Në të njëjtën kohë, Kryeministri do të përsërisë se Greqia është më mirë epidemiologjikisht se Evropa, megjithatë sipas tij, situata është kritike.

Në një përpjekje për të shmangur karantinën e përgjithshme, që do të godiste më tej ekonominë greke, qeveria vendos masa të reja për të ndaluar koronavirusin.

Kështu, Kryeministri pritet të njoftojë me theks në zonat e rënduara epidemiologjikisht, të tilla si Atika dhe Selaniku. Një tjetër masë është ndalimi i qarkullimit nga ora 1 në mëngjes deri në 5 – 6 të mëngjesit.

Përdorimi universal i maskës, në të gjitha zonat e brendshme dhe të jashtme.

Kontrollet do të forcohen dhe shkelësit do të ndëshkohen. Kjo mund të nënkuptojë dyfishimin e gjobave, p.sh. nga 150 deri në 300 euro për mos përdorimin e maskës. Në të njëjtën kohë, Policia është alarmuar në mënyrë që të ndërhyjë në sheshet e mbushura me njerëz dhe festa gjatë natës.

Në të njëjtën kohë, një masë që është në tryezën e qeverisë greke, por për momentin është ende larg zbatimit, është ndalimi i lëvizjes nga prefektura në prefekturë. Kjo vlen vetëm në momentin kur harta është bërë e kuqe, por nuk përjashtohet të zbatohet edhe në zonat “portokalli”.

 

© Panorama.al

Te lidhura