Qendra Kombëtare e Librit dhe Leximit shpall fituesit e autorëve të rinj

May 17, 2022 | 13:22
SHPËRNDAJE

Qendra Kombëtare e Librit dhe Leximit shpalli sot fituesit e Fondit të Krijimtarisë për të Rinj, një fond ky i përvitshëm dhënë nga QKLL-ja në mbështetje të shkrimtarëve të rinj.

Capture

“Qëllimi I këtij fondi është të mbështesë por dhe të motivojë krijuesit e rinj me botimet e tyre të para, ata që do të vijojnë rrugën e bukur të shkrimit shqip”, tha Alda Bardhyli, drejtoresha e QKLL.

Juria e kryesuar nga studiuesja Lili Sula dhe me anëtarë shkrimtarët Virion Graçi dhe Alfred Peza, nga 17 aplikime vlerësuan 3 dorëshkrime në prozë nga shkrimtarët e rinj Flogerta Krypi, Xhoana Jaku dhe Behar Jacaj me motivacionet:

Behar Jacajt, për librin me tregime “Hoteli përbri kishës dhe disa tregime të errëta”, duke dalluar mes prozatorëve të rinj bashkëkohorë, për befasinë e situatave rrëfimtare të shprehura me ligjërim artistik mbresëlënës.

Flogerta Krypit, për romanin “28 rrahje zemre matematikore”, për konceptim strukturor modern të rrëfimit, të shprehur me ndjeshmëri të lartë artistike dhe ligjërim të pasur figurativ.

Xhoana Jakut, për romanin e zhanrit fantashkencë “Dritëhijet, fatet”, me një fantazi të çlirët dhe rrëfim shumështresor, të shprehura përmes një zhanri pak të lëvruar në letërsinë tonë.

WhatsApp Image 2022-05-17 at 1.19.17 PM (1) WhatsApp Image 2022-05-17 at 1.19.15 PM WhatsApp Image 2022-05-17 at 1.19.16 PM WhatsApp Image 2022-05-17 at 1.19.16 PM (1) WhatsApp Image 2022-05-17 at 1.19.16 PM (2) WhatsApp Image 2022-05-17 at 1.19.17 PM WhatsApp Image 2022-05-17 at 1.19.19 PM (2) WhatsApp Image 2022-05-17 at 1.19.19 PM (1) WhatsApp Image 2022-05-17 at 1.19.19 PM WhatsApp Image 2022-05-17 at 1.19.18 PM (2) WhatsApp Image 2022-05-17 at 1.19.18 PM (1) WhatsApp Image 2022-05-17 at 1.19.18 PM

© Panorama.al

Te lidhura