Panorama Plus/ Pas shumë vitesh mungesë në skenë, këtë vit ajo vendosi të rikthehet.
Bëhet fjalë për Esmeralda Metkaj ose e njohur si Cubi, e cila është e angazhuar në programin e humorit “Klanifornia”, por edhe në teatër. Pas rikthimit të saj në skenë, të shumta kanë qenë edhe intervistat ku aktorja ka bërë deklarata të fuqishme për kolegët dhe jovetëm.
“Unë preferoj të mos flas për jetën time personale, nuk kam folur kurrë. Di vetëm të them që jam e dashuruar dhe kaq,”-është shprehur Metkaj.
Por, më vonë gjatë lojës së realizuar, moderatorja ka insistuar për të mësuar diçka në lidhje me personin që i ka rrëmbyer zemrën aktores.
“Unë e di që nuk don të flaësh për marrëdhënien, por do të flasim për marrëdhëniet në përgjithësi, pa e ditur kush është ai,”-është shprehur Aulona.
Në këtë moment ka ndërhyrë Esmeralda duke bërë një deklaratë shumë të fortë mbi statusin e saj personal.
“Mund të jetë dhe ajo. Jetojmë në botën e lirë,”-përfundon aktorja.
Ju kujtojmë që një intervistë disa kohë më parë Cubi u shpreh se Olsi Bylyku është aktori më i keq në emisionin e humorit “Klanifornia.”
“Aktori më i keq për mua është Olsi Bylyku. E thashë se plasa, ta marri vesh pra Olsi. Unë jam e sinqertë…”- tha Metkaj.
Pas kësaj aktori publikoi në Instastory një foto krah Cubit, teksa ishin në prova, duke ironizuar deklaratën e saj.
“Kënaqësi kur punon me aktorë të mirë! @cubimetkaj Aktorja më e dobët e Klanifornia.”- shkruante Olsi krahas fotos.
