“Puthja e parealizuar me Arben Imamin dhe si u hoq figura e Tartarit për shkak të lidhjes së Silva Turdiut me djalin e Mehmetit”, rrëfimi i Anisa Markarian

Aktorja Anisa Markarian, e njohur dhe e dashur per publikun me rolet e spikatur ne shume filma, në një intervistë të fundit për ‘Sot 7’ ka treguar nje skene te pathene me pare, teksa xhironin filmin “Në çdo stinë”, per nje puthje qe nuk u realizua dhe per skenat e hequra qe lidheshun me figuren e profesor Kreshnik Tartarit, për shkak të problemit qe doli aso kohe me Silva Turdiun.

Ajo tregon se regjisori Viktor Gjika donte patjeter nje puthje ne film, mes saj, ne rolin e Zanes dhe Arben Imamit, ne rolin e Bardhylit.

“Viktori donte patjetër një të puthur ndërmjet Zanës dhe Bardhylit, nuk isha aspak kundër. Në skenën që ndërtoi, ajo që nuk më pëlqeu ishte që kur bjen sirena kjo duhet të vraponte e ta puthte. I thashë pse duhet të kem frikë ndërkohë që më ke nxjerrë sportiste, në zbor, pse duhet të kem frikë nga kjo sirenë ndërkohë që po të më vesh afër me personin, do t’ia mbështes kokën te gjoksi. Dhe aty mund të… Nuk iu mbush mendja, kishte mendjen e vet. As aktori që luante Bardhylin (Arben Imami) nuk e pranoi”, tha ajo.

Pyetur nese ka ruajtur raportin me aktorin Imami, Markarkian pergjigjet:

“Me Arbenin ruaj njohjen, nuk kam komunikuar më që kur kam ikur nga Shqipëria. Kam ndjekur karrierën e tij politike por nuk kam asnjë lidhje”.

Duke u ndalur ne anen e saj si volejbolliste ne rol, Anisa tregon se si u hoq nga filmi figura e Kreshnik Tartarit, pasi mendohej se ai kishte favorizuar dhe mbajtur sekret lidhjen e Silva Turdiut me djalin e Mehmet Shehut, por e gjitha përfundoi kur Mehmet Shehu vdiq.