Në studion e emisionit “Log.” në Panorama TV është publikuar shkresa e Dallëndyshe Bicit e vitit 2017 në kohën kur ka qenë drejtoreshe e IKMT, e cila konfirmon se “Prestige Resort” është me leje.
Avokati i “Hysenbelliu Group”, Erjon Kanxheri tha se ky dokument është fakt duke theksuar se edhe KKT edhe vetë Dallëndyshe Bici kanë deklaruar që kompleksi është me leje.
“Edhe vetë KKT ka deklaruar që është me leje, edhe drejtohesha e IKMT, Dallëndyshe Bici në 2017 kur ka patur një ankesë nga një palë të tretë dhe është shqyrtuar kompleksi dhe konkluzioni i tyre ka qenë që nuk ka pasur shkelje”, u shpreh avokati Kanxheri.
Ndërkohë është publikuar edhe harta e lejes së ndërtimit të “Prestige Resort”, që mban firmën e kryeministrit Edi Rama. Në hartë është edhe godina që u shemb me tritol, por edhe dy godinat e konfiskuara.
