Rita Ora ka mahnitur fansat me fotot e postuara së fundmi nga pushimet e saj, teksa u shfaq me një palë rroba banje që i nxirrnin në pah linjat perfekte trupore.
Ylli i popit po i kalon pushimet në Ibiza me partnerin Romain Gavras dhe me një grup miqsh. Teksa ditëve të pushimit po u vjen fundi, Rita, 29-vjeç, nuk mund t’i rezistonte postimit të disa fotove të tjera.
Këtë herë, ajo u shfaq me rroba banje në ngjyrë gold dhe dukej e mahnitshme teksa pozonte pranë pishinës.
Postimet gjatë pushimeve kanë qenë të shumta dhe në një nga fotot ajo shkruajti: “Pse jam kaq e mërzitshme”. Ajo e pranoi që me siguri është bërë e tillë me postimet e herëpashershme.
Pushimet e para Rita i ka kaluar në izolim së bashku me partnerin 39-vjeçar për shkak të koronavirusit.
Një burim tha për “ The Sun” se gjërat po bëhen serioze mes tyre.
“Ajo e ka seriozisht me Romain. Është hera e parë që ajo e ka seriozisht me dikë në një lidhje”,- tha burimi.
Më parë, ajo ka qenë në lidhje me Calvin Harris, Rob Kardashian, Andrew Garfield dhe me Ricky Hill.
