Maxhoranca rrëzon në komisionin e ligjeve projektligjin për hapjen e dosjeve të propozuar nga dy deputetët Mesila Doda dhe Shpëtim Idrizi.
Sipas shumicës ligji nuk është në përputhje me kushtetutën.
“Ky projektligj bie ndesh me parimet kushtetuese. Shtrirja e efekteve të këtij ligji deri në dhjetor të 2030 është shumë e gjatë. Ne nuk duhet ta miratojmë ketë projektligj që është në kundërshtim me standardet.”- tha sekretari socialist i komisionit të Ligjeve, Armando Subashi.
Nga ana e saj opozita në komision votoi pro draftit të dy deputetëve duke kërkuar që të diskutohet gjerësisht me propozuesit.
“Ne nuk mund të mbajmë mbi kurriz njerëz me rekorde kriminale”, u shpreh Eduard Halimi.
Ndërsa Arben Ristani theksoi se “nuk ka kuptim hapja e dosjeve pa lustracion”.
NDIQE LIVE "PANORAMA TV" © Panorama.al