Kryeministri, Edi Rama pas propozimit më të fundit të SHBA-ve dhe BE-së për arritjen e një kompromisi mes mazhorancës dhe opozitës për miratimin e reformës në drejtësi, është shprehur i hapur për negociata.
Në takimin me zv.ndihmës Sekretaren e Shtetit, Victoria Nuland, Rama ka deklaruar se, shumica qeverisëse do të mbetet deri ditën e fundit e hapur për çdo kompromis që nuk cenon thelbin e reformës dhe njëkohësisht, vlerësohet nga partnerët tanë strategjike, si në përputhje të plotë me objektivin e përbashkët për një drejtësi të denjë për një vend anëtar të Bashkimit Europian.
Kurse, Nuland ka nënvizuar se SHBA-të presin që të gjitha palët ta mbyllin këtë proces me suksesin e merituar për Shqipërinë e për popullin shqiptar.
NDIQE LIVE "PANORAMA TV" © Panorama.al